Skrifað heim ...

Eftir tiltölulega langa og mjög góða dvöl heima hélt ég aftur austur í morgun. Þrátt fyrir tiltölulega hagstæð skilyrði komst ég ekki í flugið frá London og þarf því að sætta mig við dagsdvöl í London í nótt. Veðrið er frekar grálegt og nokkur rigning þannig að ég sætti mig við að sitja inn á hóteli og lesa bækur eða horfa á vídeó til morguns. Ekki er það bara veðrið heldur er verðið hér jafn sláandi og fyrr, fyrir sömu upphæð og ég eyði hér í að dvelja í litlum skáp undir einhverjum hótelstiga með ónýtu 10” sjónvarpi, skáp sem jafnvel Harry Potter hefði lýst sem “í þrengra lagi”, hefði ég getað dvalið á fínu hóteli í Japan. Jæja, bara sólarhringur í þetta.